کابل ټکی کام (سه شنبه، ۱۹ ثور، ۱۴۰۲ل)
د پاکستاني رسنیو د راپورونو له مخې چې د دغه هیواد پولیسو پخوانی لومړی وزیر او د تحریک انصاف ستر سیاسي ګوند مشر “عمران خان” د اسلام اباد د سترې محکمې له ودانۍ نیولی دی.
د عمران خان د نیولو د شېبې خپرې شوې ویډیوګانې ښيي چې امنیتي ځواکونه عمران خان په زغره وال موټر کې سپروي او له ځانه سره بیايي.
عمران خان د مې په نهمه نېټه د سترې محکمې ته په دوو مقدمو کې د موقتي ضمانت لپاره درخواست ورکړی و، خو د پولیسو له خوا له نیول کېدو وروسته ناڅرګند ځای ته وړل شوی دی.
د ویلو ده چې پخواني لومړي وزیر عمران خان تر دې وړاندې بیا بیا ادعا کړې وه چې د پاکستان حکومت یې نیول نه بلکې وژل غواړي په ورته مهال د تحریک انصاف ګوند مرستیال مشر “شاه محمود قریشي” په حکومت تور لګولی چې عمران خان یې تښتولی دی.
