د روسیې پر یوه هوايي ډګر د اوکرایین ډرون بریدکې یوې پوځي الوتکې ته زیان اوښتی
کابل ټکی کام (چهارشنبه، ۸ وږی، ۱۴۰۲ل)
د روسیې شمال لوېدیځ کې د پېسکوف ښار پر هوايي ډګر ډرون برید شوی. د روسي رسنیو د راپورونو له مخې په دغه برید کې دوو اېلیوشین ۷۶ پوځي ترانسپورتي الوتکو ته زیان اوښتی دی. تر دې وړاندې د پېسکوف سیمه ییز والي ویلي و، چې پوځ دغه برید شنډ کړی دی. هغه پر ټېلېګرام یوه ویډیو خپره کړې چې پراخه اورلګېدنه پکې ښکاري او د یوې چاودنې غږ هم پکې اورېدل کېږي. پېسکوف د اوکراین له پولې شاوخوا ۶۰۰ کلومتره واټن لري او استونیا سره ګډې پولې ته څېرمه پروت دی. اوکراین تر اوسه په دغه برید کې خپله ښکېلتیا نه ده تایید کړې.
