کابل ټکی کام (شنبه، ۲۹ ثور، ۱۴۰۳ل)
د حماس غورځنګ اسلامي غورځنک د پوځي څانګې “القسام” سرچینو د لبنان د اسلامي مقاومت “حزب الله اړوند “المنار” تلویزیوني شبکې ته ویلي، چې، وړمه ورځ یې د غزې تړانګې په مختلفو سیمو کې د صهیونیستي اشغالګرو ۳۰ ټانکونه ویجاړ کړي، چې په پایله کې یې ۹۰ تنه اشغالګر پوځیان وژل شوي او څه د پاسه ۱۰۰ نور ټپیان شوي دي. “المنار” تلویزیوني شبکې ځینې داسې انځورونه او یډیوګانې هم خپرې کړې دي، چې پکې د صهیونیستانو ویجاړ شوي ټانکونه ښودل شوي او اسراییلي الوتکې د خپلو وژل شوي او ټپیان شوي پوځیان لیږدوي. د یادونې وړ ده، چې تر اوسه صهیونیستي ترهګر ريژیم غزه کې خپل لوري ته د اوښتې مرګ ژوبله په رسمي توګه نه ده تائید کړی؛ خو اسراییلي رسنیو ویلي، چې غزه کې یې ګڼو پوځیانو ته مرګ ژوبله اوښتې ده.
