کابل ټکی کام (پنجشنبه، ۴ سلواغه، ۱۴۰۳ل)
د اسلامي امارت د ملي دفاع وزير مولوي محمد یعقوب “مجاهد” نن په خپل کاري دفتر کې، په کابل کې د قطر هېواد شارژدافیر محترم “مُردِف القاشوطي” خپل حضور ته ومنلو. ښاغلي وزير د قوي او تل پاتې اړیکو سربيره د افغانستان له
خلکو سره د قطر هېواد د اوږد مهاله مرستو او همکاریو ستاینه وکړه.په دغه لیدنه کې د ملي دفاع وزیر قطر د افغانستان لپاره یو دوست او همکار هېواد وباله او د دې هېواد سره د دوامداره اړیکو پر پیاوړتیا يې ټینګار وکړ.همدارنګه دواړو لورو د اقتصاد، سوداګرۍ او د دواړو مسلمانو او ملګرو هېوادونو ترمنځ د اړیکو پر لا پیاوړتیا او نورو اړوندو موضوعاتو په اړه خبرې اترې او نظرونه تبادله کړل.
