کابل ټکی کام (چهارشنبه، ۲۹ زمری، ۱۴۰۴ل)
د حماس اسلامي غورځنګ یو لوړپوړي چارواکي اعلان کړی، چې دوی د منځګړو له لوري وړاندې شوې طرحه منلې ده؛ خو که اسرائیلي لوری منفي ځواب ورکړي نو د مقاومت جګړه به په پوره شدت سره دوام روانه وي.
د حماس د سیاسي دفتر غړي او ویاند “حسام بدران” کابل ټکی کام وېب پاڼې ته وویل: اسلامي مقاومت د بشري مرستو د داخلېدو، د بندیانو د تبادلې او د یرغلګرو ځواکونو د شاتګ غوښتنې منلې دي؛.خو وروستی پرېکړه د اسرائیلي لوري په لاس کې ده.
بدران زیاته کړه: “موږ د منځګړو غوښتنه پر ځای کړه، که د اسرائیلو دریځ منفي وي، د جګړې ډګر به لا سخت او پراخ شي.”
یاده دې وي چې په وروستیو ورځو کې د مصر، قطر او نورو منځګړو هېوادونو هڅې زیاتې شوې دي تر څو په غزه کې روانه جګړه د اوربند له لارې پای ته ورسېږي.
