کابل ټکی کام (جمعه، ۷ غبرګولی، ۱۴۰۴ل)
د اسراییلي ورځپاڼې یدعوت احرونوت د راپور له مخې د حماس د کمانډو ځواکونو سخت او غیرمتوقع مقاومت د اسرائیلي پوځ لپاره لویه ننګونه ګرځېدلې ده.
ورځپاڼې لیکلي، حماس په داسې زړورتیا او ځانګړو تاکتیکونو جګړه پرمخ وړي چې د معاصرو جګړو له اصولو سره توپیر لري. د راپور له مخې، په حيالزیتون سیمه کې د اسرائیلي پوځ د هر ګام لاندې تونلونه موجود دي او په ټوله سیمه کې د تونلونو یوه پراخه شبکه فعاله ده.
سرچینې زیاتوي چې د حماس د مقاومت او شدیده جګړو له امله به د اسرائیلي پوځ لپاره ډېره سخته وي چې په راتلونکو دوو اونیو کې دغه سیمه بشپړه تر خپل کنټرول لاندې راولي.
