کابل ټکی کام (شنبه، ۸ غبرګولی، ۱۴۰۴ل)
د افغانستان لپاره د ملګرو ملتونو د بشري حقونو ځانګړي راپور ورکوونکي ریچارډ بېنېټ له پاکستانه غوښتي چې د افغان کډوالو د جبري ایستلو لړۍ ودروي.
بېنېټ د افغان کډوالو په دوامدار ایستلو ژوره اندېښنه څرګنده کړې او ټینګار یې کړی چې اسلاماباد باید د نړۍوالو قانوني مکلفیتونو درناوی وکړي.
هغه ویلي، اړینه ده چې د افغانانو ملاتړي هېوادونه د کډوالو د بیا مېشتېدو لپاره بېلابېلې لارې او فرصتونه برابر کړي.
په وروستیو میاشتو کې د سیمې یو شمېر هېوادونو، په ځانګړي ډول پاکستان او ایران، زرګونه افغان کډوال له خپلو هېوادونو جبري ایستلي دي او لا هم دغه لړۍ روانه ده.
