کابل ټکی کام (يکشنبه، ۲۳ وږی، ۱۴۰۴ل)
د اسرائيلو پخواني لومړي وزير ایهود باراک ويلي، چې د “غدعون ۲” عمليات به د حماس د ختمولو لامل ونه ګرځي، ځکه په وينا يې حماس غواړي اسرائيل د غزې په ښار کې په کړکېچ کې ډوب کړي او دا به د ډيپلوماتيکې لحاظه بې سارې بريا وي.
باراک خبرداری ورکړی وايي، هر څوک چې د منځګړو په پلازمينه کې د مذاکراتو ټیم د بريد هدف ګرځوي هغوی د يرغمل شويو کسانو ژوند ته جدي خطر پېښوي.
هغه د نتنياهو د پرېکړو په اړه هم اندېښنه ښودلې، ويلي يې دي چې هغه د نورو تر فشار لاندې پرېکړې کوي، چې د اسرائيلو لپاره لوی زيان رامنځته کوي.
پخواني وزير اعظم ټينګار کړی چې د نتنياهو حکومت د پاتې کېدو لپاره روانه جګړه بې مفهومه ده او دا جګړه حماس ته د اسرائيلو پر وړاندې د بري فرصت برابروي، چې د هېواد ملي امنيت ته جدي ګواښ دی.
