د غزې جګړه؛ شجاعیه کې ۲ صهیونیستي پوځیان وژل شوي
کابل ټکی کام (سه شنبه، ۱ تله، ۱۴۰۴ل)
د فلسطیني مقاومت د سرچینو خبر ورکړی، چې د غزې تړانګې په ختیځې شجاعیه سیمه کې مقاومت ځواکونو د صهیونیستي پوځ پر یو پوځي کاروان برید کړی دی.
سرچینې زیاتوي چې په دغه برید کې لږ تر لږه ۲ صهیونیستي پوځیان وژل شوي او څو نور ټپیان دي.
د پېښې ځای ته بېړني ځواکونه رسېدلي او د صهیونیستي پوځ هیلیکوپترونه د ټپیانو د انتقال لپاره پر سیمه پروازونه کوي.
مقاومت ځواکونه وایي، چې د غزې جګړه به د اشغالګرو پر وړاندې تر بریا پورې دوام لري.
