حماس غزه کې ۷۰۰۰ امنیتي ځواکونه ځای پر ځای کړي
کابل ټکی کام (یکشنبه، ۲۰ تله، ۱۴۰۴ل)
د صهیونیستي ځواکونو له شا تګ وروسته، حماس اسلامي غورځنګ په غزه کې د نظم، ثبات او امنیت د ټینګښت په موخه ۷۰۰۰ امنیتي ځواکونه ځای پر ځای کړي دي.
د حماس غورځنګ مشر “خلیل الحیه” ویلي، چې امریکا دوی ته د دې ضمانت ورکړی چې اسرائیل به بیا پر غزه برید نه کوي.
د نوموړي په خبره د شوي تړون له مخې د حماس مجاهدین کولای شي خپلې وسلې وساتي او په غزه کې پاتې شي.
