افغانستان په درېيمه يو ورځنۍ سيالۍ کې بنګله دېش ته د ۲۰۰ منډو په توپير ماتې ورکړه
کابل ټکی کام (چهارشنبه، ۲۳ تله، ۱۴۰۴ل)
افغان لوبډلې د ابراهيم ځدران د ۹۵ او محمد نبي د ۶۲ ناسوځيدلو منډو پر مټ سيالې بنګله دېشۍ لوبډلې ته د ۲۹۴ منډو هدف ورکړ.
بنګله ديشۍ لوبډلې په ۲۷.۱ اورونو کې د خپلو ټولو لوبغاړو په له لاسه ورکولو يوازې ۹۳ منډې جوړې کړې او سيالي يې د ۲۰۰ منډو په توپير افغان لوبډلې ته وبايلله.
په توپ اچونه کې ځوان بلال سميع د سيالې لوبډلې ۵ لوبغاړي وسوځول.
پدې بريا سره افغان لوبډلې د يو ورځنيو سياليو لوبلړۍ ۳-۰ وګټله.
