د مهاجرینو کمېسیون: د بېلابېلو لارو ۳۱۸ کورنۍ هېواد ته راستنې او مرستې ورسره وشوې
کابل ټکی کام (پنجشنبه، ۲ سلواغه، ۱۴۰۴ل)
د مهاجرینو ستونزو ته د رسېدنې عالي کمېسیون دارالانشاء وایي، چې د چهارشنبې په ورځ د هېواد له بېلابېلو سرحدي لارو ۳۱۸ کډوالې کورنۍ، چې ۵۸۸ تنه غړي لري، په اجباري ډول افغانستان ته راستنې شوې او د اړوندو کمېټو له لوري ثبت او بایومېټریک شوې دي. د راپور له مخې، د ننګرهار د تورخم له لارې ۵۱۴ تنه، د هلمند د بهرامچې له لارې ۱۳۸ تنه، د کندهار د سپین بولدک له لارې ۱۳۴ تنه، د نیمروز د ورېښمو له لارې ۷۸ تنه او د هرات د اسلامکلا له لارې ۲۶ تنه هېواد ته داخل شوي دي.
راپور زیاتوي، چې د چهارشنبې په ورځ ۴۳۱ کورنیو ته نغدي مرستې ورکړل شوې، ۶۰۴ وړیا سیمکارتونه وېشل شوي، او ۳۰۹ کورنۍ، چې ۲۱۵۴ تنه یې غړي ول، د ترانسپورټ او لېږد کمېټو له خوا د هېواد بېلابېلو ولایتونو ته په خوندي ډول لېږدول شوې دي. همداراز، راستنې شویو مهاجرینو ته روغتیايي، مخابراتي او نورو اساسي خدماتو برابرول هم په پام کې ونیول شول.
