کابل ټکی کام (شنبه، ۱۱ سلواغه، ۱۴۰۴ل)
د فلسطین د اسلامي مقاومت غورځنګ حماس ویلي، چې د صهیونیستي رژیم لهخوا پر غزې د بمبارۍ دوام او د استوګنیزو کورونو ویجاړول ښکاره ترهګریز عمل دی، چې سیمه کې تاوتریخوالی لا پسې زیاتوي.
حماس په خپره کړې اعلامیه کې ټینګار کړی، چې د صهیونیستي
رژیم دا ډول بریدونه د بشري حقونو ښکاره نقض دی او د ملکي وګړو ژوند له جدي ګواښ سره مخ کوي.
دغه غورځنګ له منځګړو هېوادونو غوښتي، چې د اسرائیلو د لومړي وزیر بنیامین نتانیاهو له لوري د اوربند د تړون د ماتېدو مخه ونیسي او پر صهیونیستي رژیم فشار راوړي، څو جګړه ودروي او پر غزه بریدونه پای ته ورسوي.
حماس خبرداری ورکړی، چې د بریدونو دوام به د سیمې وضعیت لا کړکېچن کړي او د کړکېچ د پراخېدو لامل او د پایلو مسؤلیت به یې د صهیونیستي ريژیم پر غاړه وي.
