کابل ټکی کام (شنبه، ۲۳ کب، ۱۴۰۴ل)
امنیتي سرچینې وایي، د خوست ولایت د ځاځي میدان ولسوالۍ اړوند د پاکستاني پوځي رژيم «جنډو سر» پوسته نن ماښام شاوخوا شپږ بجې د نښتو له دوام وروسته د افغان ځواکونو لاس ته لوېدلې او د سیمې بشپړ کنټرول هم د دوی لاس ته ورغلی دی.
د سرچینو په وینا، د دې پېښې د احتمالي مرګژوبلې او نورو جزییاتو په اړه تر اوسه نور معلومات نه دي خپاره شوي.
بلخوا د ملي دفاع وزارت مرستیال ویاند، صدیقالله نصرت ویلي چې افغان ځواکونو نن (شنبه) د پکتیکا ولایت د برمل ولسوالۍ د «ډنګر لګډ» په سیمه کې، فرضي کرښې ته څېرمه، د پاکستاني ځواکونو یوه پوسته نیولې ده.
د نوموړي په وینا، په دغو عملیاتو کې د پاکستاني ځواکونو یو ټانک هم په بشپړه توګه له منځه وړل شوی دی.
