کابل ټکی کام (چهارشنبه، ۱۲ وری، ۱۴۰۴ل)
د لغمان ولایت امنیه قوماندانۍ امنیتي مسؤلین وايي، چې د نشهیي توکو پر وړاندې د مبارزې د مدیریت کارکوونکو د ځانګړو عملیاتو په ترڅ کې ۱۰ تنه د نشهیي توکو د پېر، پلور او قاچاق په تور نیولي دي.
امنيې قومندانۍ ويلي، دغه عملیات د مهترلام ښار او د ولایت د شپږو ولسوالیو په بېلابېلو سیمو کې ترسره شوي او له نیول شویو کسانو څخه ۹ ګرامه چرس، ۹ ګرامه تریاک، ۸ ګرامه شیشه، ۵ دانې زیکپ ګولۍ او ۲ دانې ټابلیټ کا هم ترلاسه شوي دي.
امنیتي سرچینې وايي، نیول شوي کسان اوس تر لومړنیو څېړنو لاندې دي او ډېر ژر به عدلي او قضایي ارګانونو ته وسپارل شي.
