کابل ټکی کام (سه شنبه، ۲۵ وری، ۱۴۰۵ل)
د ایران د اسلامي انقلاب د ساتونکي ځواک “سپاه پاسداران” ویاند سردار حسین محبي خبرداری ورکړی، چې که جګړه دوام ومومي، ایران به داسې ځواک او وړتیاوې نندارې ته وړاندې کړي چې د امریکا او اسراییلو له تصوره هم بهر دي.
نوموړي ویلي، تر اوسه یې له خپلو ډېرو امکاناتو او پوځي وړتیاوو کار نه دی اخیستی او که اړتیا پېښه شي، نو داسې جګړهییزې طریقې به وکاروي چې «دښمن» به یې پر وړاندې د مقابلې توان ونه لري.
بل لور ته، د امریکا ولسمشر ډونالډ ټرمپ تر دې وړاندې ګواښ کړی و، چې که د ایران «چټکې جنګي کښتۍ» د امریکا سمندري محاصرې ته نږدې شي، نو له منځه به یوړل شي.
