کابل ټکی کام (سه شنبه، ۲۵ وری، ۱۴۰۵ل)
د امریکا مرستیال ولسمشر جي ډي وينس ویلي، له ایران سره د اسلاماباد په خبرو کې پرمختګ شوی، خو د تهران ګامونه د واشنګټن د قناعت لپاره بسنه نه کوي.
هغه زیاته کړې چې ایراني مذاکره کوونکي سخت دریځه دي او که ایران اټومي وسلې ترلاسه کړي، دا به پر نړۍ درنې پایلې ولري.
نوموړي ټینګار کړی چې د هرمز تنګي بشپړ پرانیستل د امریکا اساسي شرط دی او که ایران په دې برخه کې شاته شي، د امریکا چلند به ژر او بنسټیز بدلون ومومي په وینا يې، اوربند د سمندري تګ راتګ د ازادۍ په بدل کې شوی او تهران باید خپلو ژمنو ته پابند پاتې شي.
دي فانس په راپور کې راغلي، چې امریکا غواړي ایران دې د یورانیمو بډای کولو له هر ډول وړتیا څخه لاس واخلي او بډای شوي مواد له هېواده وباسي.
هغه زیاته کړې چې که څه هم د خبرو بهیر کې پرمختګ شوی، خو تر اوسه وروستۍ هوکړې ته نه دي رسېدلي او هڅه روانه ده چې دا کړکېچ د یوې سترې او بریالۍ معاملې له لارې پای ته ورسېږي.
