مخابراتو وزارت د انټرنټ د بندېدو او محدودیتونو په اړه خپرې شوې اوازې رد کړې
کابل ټکی کام (سه شنبه، ۲۲ غویی، ۱۴۰۵ل)
د مخابراتو او معلوماتي ټکنالوژۍ وزارت د نوري فایبر او وایفای انټرنټ د بندېدو په اړه خپرې شوې ادعاوې رد کړې او د دغه وزارت ویاند عنایتالله الکوزي ویلي، هغه راپورونه چې ګواکې د انټرنټ د بندولو پرېکړه شوې، حقیقت نه لري او یوازې بې بنسټه اوازې دي.
الکوزي همدارنګه هغه ادعاوې هم رد کړې چې ګواکې د وزارت وزیر د استوګنیزو سیمو کې د انټرنېټي خدمتونو د محدودولو په اړه د مخابراتي شبکو له مسوولینو سره ناسته کړې ده.
هغه ویلي چې دا ډول خبرې په ټولنیزو رسنیو کې خپرې شوې او هېڅ رسمي بنسټ نه لري.
