د قطر سفارت د افغانستان او نړیوالې ټولنې ترمنځ د رغنده تعامل په ملاتړ وستایل شو

کابل ټکی کام (سه شنبه، ۲ چنګاښ، ۱۴۰۵ل)

د افغانستان لپاره د قطر سفارت په کابل کې د یوې مهمې ګردي مېز غونډې د کوربتوب او د افغانستان او نړیوالې ټولنې ترمنځ د رغنده تعامل د اسانتیا په برخه کې د خپلو دوامداره هڅو له امله ستایل شوی دی.

په خپره شوې څرګندونه کې د قطر له سفارت، په ځانګړي ډول د سفیر ډاکټر مردف القاشوطي، څخه مننه شوې او ویل شوي چې د افغانستان او نړیوالې ټولنې ترمنځ واقعبینانه او عملي تعامل د باور جوړونې، متقابل تفاهم او د عملي همکاریو د پراختیا لپاره مهم ارزښت لري.

همداراز ټینګار شوی چې د افغانستان او ملګرو ملتونو ترمنځ دوامدار او عملي تعامل کولی شي د دواړو لورو ترمنځ همکاري پیاوړې او د ګډو موخو د تحقق لپاره اغېزمن ګامونه رامنځته کړي.