بدخشان کې د څه باندې ۱۲۰ میلیونه افغانیو په لګښت د اوبو لګولو څلور کانالونه جوړ شول
کابل ټکی کام (سه شنبه، ۲۰ زمری، ۱۴۰۵ل)
د بدخشان ولایت په تیشکان، ارغنجخواه، بهارک او فیضاباد ولسوالیو کې د څه باندې ۱۲۰ میلیونه افغانیو په لګښت د اوبو لګولو څلور کانالونه بشپړ او ګټې اخیستنې ته وسپارل شول.
د بدخشان د کرنې، اوبو لګولو او مالدارۍ ریاست وايي، د دغو کانالونو په جوړېدو سره به د یادو ولسوالیو د کرنیزو ځمکو د اوبو لګولو په برخه کې شته ستونزې تر یوه بریده هوارې شي او بزګرانو ته به د اوبو لاسرسی ښه شي.
د یادو پروژو چارې د «شلټر فار لایف» دفتر له لوري د ملګرو ملتونو د خوړو نړیوال پروګرام په مالي ملاتړ پلې شوې دي.
