ایران: د هرمز تنګي په اړه لا هم عمان سره خبرې روانې دي
کابل ټکی کام (یکشنبه، ۲۵ زمری، ۱۴۰۵ل)
د ایران اسلامي جمهوریت د بهرنیو چارو وزارت ویاند “اسماعیل بقايي” وایي، د هرمز تنګي له لارې د بېړیو د تګ راتګ په اړه د هوکړې سربېره، لا هم ځینې موضوعات پاتې دي چې د تهران او مسقط ترمنځ پرې خبرې روانې دي.
بقايي په یوه خبري کنفرانس کې ویلي، لکه څنګه چې مخکې هم اعلان شوی و، دواړه لوري په هرمز تنګي کې د بېړیو د تګ راتګ د نقشې په اړه هوکړې ته رسېدلي، خو د ځینو نورو مسایلو په اړه لا خبرې دوام لري.
د نوموړي په وینا، د ګډې اعلامیې په ګډون یو شمېر موضوعات لا نه دي نهايي شوي او کله چې دا مسایل وروستي شي، په اړه به یې رسمي خبر پاڼه خپره شي.
