نورستان کې د ۱۸ میلیونه افغانیو په لګښت د دوو اداري ودانیو جوړولو چارې پیل شوې
کابل ټکی کام (پنجشنبه، ۲۹ زمری، ۱۴۰۵ل)
د نورستان ولایت په کامدېش او برګمټال ولسوالیو کې د نوو اداري ودانیو د جوړولو چارې پیل او د دواړو ودانیو د بنسټ ډبرې کېښودل شوې.
د معلوماتو له مخې، دغه ودانۍ د اسلامي امارت له بودجې د ۱۸ میلیونه افغانیو په لګښت جوړېږي.
هره وداني ۱۲ اداري خونې، پنځه تشنابونه او یو پخلنځی لري او په اساسي او معیاري ډول به جوړه شي.
د مسؤلينو په وینا، د دغو ودانیو له بشپړېدو سره به په دواړو ولسوالیو کې مسوولین او اړوندې ادارې خپلې چارې په منظم او مناسب اداري چاپېریال کې ترسره کړي.
