د ننګرهار د شيرزادو ولسوالۍ د تالک کان د لومړي بلاک د استخراج تړون لاسلیک شو
کابل ټکی کام (چهارشنبه، ۱۸ وږی، ۱۴۰۵ل)
د کانونو او پټرولیم وزارت وايي، د دغه وزارت سرپرست ملا هدایتالله بدري د ننګرهار د شېرزادو ولسوالۍ د کودېخېلو سیمې د تالک کان د لومړي بلاک د استخراج او پروسس تړون له «نبي افغان» کاناستخراج او پروسس شرکت سره لاسلیک کړی دی.
د وزارت د معلوماتو له مخې، دغه کان ۶.۹۸۸۲۸۴ کیلومتره مربع مساحت لري او تړون یې د ۳۰ کلونو لپاره د ۱۴ میلیونه او ۸۶۲ زره او ۶۰۰ امریکايي ډالرو په ارزښت شوی دی.
د تړون له مخې، قراردادي شرکت به د ټولنیزو خدمتونو په برخه کې ۹۰۰ زره ډالر ولګوي او د هر ټن تالک په بدل کې به ۱۹۷۰ افغانۍ امتیازي حق یا رویالټي دولت ته ورکوي.
د وزارت په خبره، د کان د استخراج او پروسس له پیل سره به شاوخوا ۳۷۰ کسانو ته په مستقیم او غیرمستقیم ډول د کار زمینه هم برابره شي.
