کابل ټکی کام ۱۳غويي/۱۳۹۵، سمسور ګیلاني
یو شمېر نړیوالو رسنیو د عراق د امنیتي چارواکو له قوله لیکلي دي، چې د دوی ځواکونو بشیر ښارګوټی له داعش ډلې بېرته نیولی دی.
د کردي چارواکو له قوله چې دغه ښارګوټی پرون د کردي ځواکونو او شیعه ملېشو له لورې محاصره او بیا ونیول شو.
د کردستان محلي امنیتي شورا او شیعه ځواکونو هم رسنیو ته تأیید کړې ده، چې دغه ښارګوټي د داعش ډلې له لاسه وتلی دی.
باید ووایو، چې کردي ځواکونو او شیعه ملېشو دغه ښارګوټی د امریکا د ائتلاف په هوايي ملاتړ له داعش ډلې نیولی دی.
د یادولو ده، دغه ښارګوټی څه موده وړاندې د داعش ډلې لاسته ورغلی وو، چې دغه ښارګوټي ته څېرمه په نورو ښارګوټو یې هم حملې کولې.
