دمالیزیا دغورځیدلې الوتکې دوه ټوټې موندل شوې
راپور : سمسور (پنج شنبه ۲۳ ثور ۱۳۹۵)
دمالیزیا دغورځیدلې الوتکې دوه ټوټې موندل شوې دمالیزیا دغورځیدلې الوتکې په اړه ویل شوي چې د موریس جزیرې او جنوبي افریقا په ساحلونو کې موندل شوې دوه ټوټې تقریبا په قطعي ډول د ورکې شوې مالیزیایي “اېم اېچ ۳۷۰الوتنې” الوتکې دي.
دا دغورځیدلې مالیزیايي اولوتکې د معما د حل پر لور وروستي پرمختګونه دي چې د ۲۰۱۴کال په مارچ کې ورکه شوه.
دغه الوتکه له ۲۳۹سپرلیو سره د مالیزیا له پلازمېنې کولالامپور نه د چین پیکنک ته روانه وه چې تري تم شوه. معلوماتو داښوده چې الوتکه له خپله مسیره بې لارې شوې او وروسته په بحر کې لوېدلې ده . درېیو بېړیو د هند سمندر په سوېل کې ۱۲۰زره کیلومتر مربع ساحه ولټوله، خو د الوتکې هېڅ نښه یې ونه مونده. پنځه موندل شوي ټوټې تایید شوي چې هرو مرو او یا هم په احتمالي ډول د “اېم اېچ ۳۷۰الوتنې” وي.
دالوتکې ټوټې یوله بله لرې پیدا شویدي داسي ښکار چې ټوټې دلویدو ورسته سره جلاشوی وي ..
د الوتکې د وزر یوه برخه چې فلاپېرون نومېږي د ۲۰۱۵کال په جولای میاشت کې په رېیونین جزیرې کې وموندل شوه او د همغه کال په سپتمبر کې تایید شوه چې د همدې مالیزیایي الوتکې پاتې شوني دي.
د مالیزیا د ترانسپورت وزیر لیو تیونګ لي د پنجشنبې په ورځ وویل، ارزوونکې ډلې تایید کړې ده چې په جنوبي افریقا او موریس ټاپو کې موندل شوې دواړه ټوټې تقریبا په قطعي ډول د “اېم اېچ ۳۷۰الوتنې” دي
