پکتیکا کې د ۴۰ زره ډالرو په پانګونې د پلاستيکي پایپونو فابریکه پرانیستل شوه
کابل ټکی کام (يکشنبه، ۱۳ غویی، ۱۴۰۵ل)
د پکتیکا ولایت په مرکز ښرنه ښار کې د پلاستيکي پایپونو د تولید یوه نوې فابریکه د ۴۰ زره امریکايي ډالرو په پانګونې سره پرانیستل شوه.
د فابریکې مسؤلان وایي، په دې تولیدي فابريکه کې له نیم اینچه تر پنځه اینچه پورې اته ډوله کرنیز پلاستيکي پایپونه تولیدېږي په خبره يې، یاد تولیدات به د کرنې، اوبو لګولو او نورو اړوندو برخو اړتیاوې پوره کړي.
مسؤلان زیاتوي، دغه فابریکه کولای شي د پکتیکا ولایت شاوخوا ۸۰ سلنه اړتیاوې پوره کړي، چې له امله به یې د بهرنیو محصولاتو اړتیا کمه او د سیمې خلکو ته به د کار زمینه هم برابره شي.
