جنرال امرخیل: که اردو همکاري ونکړي د غزنی ولایت سقوط کوي
کابل ټکی کام ۱۳۹۵ غبرګولي ۹ عبدالهادي همت
د غزنی ولایت امنیه قومندان جنرال امین الله امرخیل رسنیوته ویلی دي، چې دغزني په ولایت کې د دفاع وزارت مربوط د اردو عسکر کومه سالمه اداره نلري او له پولیسو سره هیڅ همکاري نه کوي، امرخیل وویل: داردو ټول قطعات باید دمرکز لخوا بررسي شي.
همدارنګه امرخیل زیاته کړي: له دې سره سره، چې د یوې اوونۍ په اوږدو کې مونږ زیات شمیر مکتوبونه ورلیږلي دی، خو بیاهم کوم اهمیت نه دی ورکړ ل شوی او له پولیسوسره يي هیڅ همکاري نه ده کړی .
له هغي ورځې، چې طالبانو د عمري په نامه عملیات پیل کړي د هیواد په اکثروولایاتوکې جګړو زور اخستی دی،چې څه موده وړاندي دغزنی ولایت مرکزته څیرمه طالبانو د اردو او پولیسو په ګډ کاروان برید تر سره کړی و او ګڼ شمېر روغ ټانګونه يې له ځان سره بیولي وو، چې انزورونه يې پخوا په رسنیوکې خپاره شوي دي .
دا په داسې حال کې ده، چې اوس مهال د غزني ولایت زیاتې سیمې د طالبانو تر ولکې لاندې دي، چې د سیمې اوسیدونکي یې هم تاییدوي.
