عراق: بغداد کې دوو بمي چاودنو، لسګونو کسانو ته مرګ ژوبله اړولې
کابل ټکی کام ۱۰غبرګولي/۱۳۹۵، سمسور ګیلاني
د نړیوالو خبري رسنیو د خبر له مخې چې د عراق پلازمینې بغداد شمال کې د دوو چاودنو په پایله کې لسګونه تنه مړه او ژوبل شول.
العالم خبري اژانس د پولیسو د یوې خبرې سرچینې له قوله خبر ورکړی دی، چې لومړۍ چاودنه نن سهار د پلازمینې بغداد د الشعب سیمې شلال بازار ته څېرمه رامنځته شوې ده.
لومړني معلومات ښيي، چې د دغې چاودنې له کبله ۵ کسان وژل شوي دي، او ۱۵ نور ټپیان دي.
له دې چاودنې وروسته د پلازمینې بغداد په شمالي الطارمیه سیمه کې یوه بمي چاودنه رامنځته شوه، چې له کبله یې ۲۶ کسانو ته مرګ ژوبله واوښته.
