کابل ټکی کام ۱۳۹۵ غبرګولی ۱۵ عبدالهادي همت
د بلخ ولایت مزار شریف ښار کې سلګونو کسانو او د ولایتي شورا غړو ددغه ولایت د سرپرست عطاء محمد نور پر خلاف په لاریون لاس پورې کړی دی، دوی له حکومته غواړي، چې بلخ د یوه مشخص ګوند له منګلو وباسي.
دغه لاریون چې همدااوس مهال په مزارشریف کې روان دی، د بلخ سرپرست والي عطامحمد نور پر ناسمې حکومتولۍ تورنوي او پر مرکزي حکومت غږ کوي چې دوی دې د عطامحمد ګوند له شره خلاص کړي.
لاریون کوونکي د عطامحمد نور پر ضد سخت شعارونه ورکوي او نوموړی یو قاتل، مفسد او هیواد پلورونکی بولي.
لادیون کوونکي د عطامحمد نور مسخه شوي انزورونه هم له ځانه سره لیږدوي او له حکومته غواړي چې ددې ولایت پر حالاتو دې غور وکړي او د یو مشخص ګوند له منګولو دې بلخ وژغوري کنۍ دوی به مظاهرو ته دوام وړکړي .
د یادونې وړ ده چې په لاریون کوونکو کې ددې ولایت د ولایتي شورا غړي هم شامل دي.
په دې وروستیو کې ددې ولایت د والي عطامحمدنور او دوستم ترمنځ یو لړ نښتې او جګړې وشوې چې دواړو لوریو ته د تلفاتو د اوښتو خبرونه ورکول هم ورکول شول.
پر عطامحمد نور دا تورونه هم لګېدلي چې په دې ولایت کې د پښتنو ضد کړنې تر سره کوي.
