نا پېژانده وسله والو د لوګر پل علم کې پر یوه مؤسسه برید کړی
کابل ټکی کام ۱۷غبرګولي/۱۳۹۵، احمدالله مهاجر
د نا معلومو وسله والو له لورې د لوګر ولایت په پل علم ښار کې د ماین پاکۍ پر یوه مؤسسه برید شوی دی، چې د دغې مؤسسې اړوند اووه موټر یې له منځه وړي دي، او د دغې مؤسسې څلور کارکوونکي یې له ځانه سره بېولي دي.
ځايي سرچینو رسنیو ته ویلي دي، دغه پېښه د پل علم ښار اړوند په التمور سیمه کې رامنځته شوې ده، چې د نا معلومو وسله والو له لورې د جانوس په نوم د ماین پاکۍ یوه مؤسسه په نښه شوه.
دغه مؤسسه چې اوس د جانوس په نوم فعالیت کوي، وړاندې یې نوم سټرلینک وو.
د یادولو ده، لوګر ولایت کې د دغه مؤسسې د کارکوونکو په نښه کېدل کومه نوې خبره نه ده، بلکې وړاندې هم داسې پېښې رامنځته شوي دي.
