د ننګرهار ولایت په ښېوې ولسوالۍ کې د اوبو رغول شوی کانال ګټې اخیستنې ته وسپارل شو

کابل ټکی کام ۱۳۹۵ غبرګولی ۱۷ عبدالهادي همت

 د ننګرهار ولایت په ښیوې ولسوالۍ کې د ابو کانال د څلور میلیونه افغانیو په لګښت  تر جوړېدو وروسته پرون د غبرګولې په ۱۶مه نېټه ګټې اخیستنې ته وسپارل شو.
د یاد ولایت استازي او کار پوه ښاغلي عبدالکریم صمیم د اوبو د کانال په اړه د مالوماتو د ورکولو تر څنګ وویل، د یاد کانال درغول شوې برخې ۱۴۶متره اوږدوالی، ۵متره ژوروالی، ۱متر او ۵۰سانتي پلن والی لري.
ده همدا راز وویل چې د یاد کانال د بیا رغونې لپاره ټول مالي لګښت چې څلور میلیونه افغانۍ کیږي د نشه یي توکو سره د مبارزې وزارت له خوا ورکړل شوی دی.
د یادونې وړ ده، چې یاد کانال د ۶میاشتو په موده کې د اوبو لګولو ریاست په چوکاټ کې د انهار نومې شرکت له لورې جوړ شو.
د سیمې قومي مشران د یاد کانال بیارغونه یو ښه کار وبللو او ویې ویل چې یاد کانال ۸کیلومتره اوږدوالی لري او  ۱۵۰۰هکتاره ځمکه خړوبولی شي.