ډاکتر اصف
غربي میډیا تل دې موضوع ته ډیره هوا ورکوي، چې ژورنالستان خو د خلکو دردونه منعکسوي، باید قدر یې وشي، ونه وژل شي او وژنه یې وغندل شي.
ټول ویښ انسانان په دې پوهیږي، چې د ژورنالیزم مسلک د نورو مسلکونو په څیر یو له هغو مسلکونو څخه دی، چې ټولنې ورته مبرم ضرورت لري، ژورنالیزم د نورو علمي مسلکونو په څیر یو ټولنیز اړین مسلک دی چې باید ټولنو ته خدمت وکړي او په دغه لاره کې خپلې خولې توی کړي، خو لیدل کیږي چې ځینې مسلکونه د ځینو ښکیلاکګرو کړیو لخوا مستعمره شي او پر غلطې او ناسمې لار یې رهي کړي، چې بالاخره خپل اصالت تر پښو لاندې کړي او د دغه سپیڅلي نوم تر چتر لاندې د یو څو حبو او ټکو د ترلاسه کولو په موخه نورو کارونو ته لاس واچوي او پر مخ یې بیايي، چې بالاخره د دغه ټول مسلک د بدنامۍ سبب وګرځي او خلک ورته په بده سترګه ګوري، نفرت ورنه کوي او ځانونه ورڅخه ساتي، او کله ناکله چې د خلکو د صبر کاسه ډکه کړي نو مجبوراً یې پر خلاف اقدام کولو ته اړ کړای شي او د خپلو شومو اعمالو په سزا یې ورسوي، خو متاسفانه نوم د ټولو ژورنالستانو بد شي خلک بیا ټولو ته په بده سترګه ګوري او هغه د پښتو د متل مطابق بیا له وچو سره لامده هم وسوځي.
که فکر وکړو نن سبا حکومتونه په تیره بیا د نړۍ د سترو قدرتونو حکومتونه تل په دې هڅه کې دي، چې ژورنالستان د نا مشروعو فعالیتونو لپاره د خپلو خلکو په تیره بیا د دینی طبقې پر خلاف استعمال کړي او ان د جاسوسۍ په توګه ورنه کارواخلي، ځکه چې د ژورنالیست سر او کار د خبرونو د راغونډولو او نړۍ ته یې د منعکس کولو سره وي، نو د خبرونو د لټون او پیدا کولو په څنګ کې د جاسوسۍ کار پر مخ بیول ډیر په اسانه ترسره کیږي. حکومتونه بیا پر دغه ډول ژورنالیستانو، چې د جاسوسۍ فعالیت ته لیوالتیا وښيي او په دغه لار کې خپل سرونه په لاس کې نیسي او هر ډول قربانۍ ته ټټر ووهي، قوي سرمایه ګذاري کوي، اسانتیاوې ورته برابروي، میاشتنی ښه معاش ورکوي او بالاخره په خورا امتیازاتو یې نازوي.
همدغه وجه ده چې عام پوه، ځیرک او باخبره وګړي او د حکومتونو مخالفې ډلې، په تیره بیا د سترو قدرتونو د حکومتونو مخالف ګوندونه او تحریکونه تل د ژورنالیساتو حرکات په دير دقت سره څاري او په ډیر احتیاط له هغوی سره تعامل کوي، خو کله چې دغو مخالفو ګوندونو ته د کوم ژورنالیست یا ژورنالیزم ارګان جاسوسي په ثبوت ورسیږي نو په خلاف یې مجبورا د برید فیصله کوي او له مینځه یې وړي او چې کره اسناد ونلري هیڅوک هدف نه ګرځي.
غربی رسنۍ بیا پر ځای د دې چې ښه او بد ژورنالیست سره تفکیک کړي، برعکس د یوه جاسوس ژورنالیست وژل کیدل د ژورنالیساتو په وژنې تعبیروي او له دې لارې د خلکو ذهنیتونو د مغشوشولو هڅې کوي، څو د خلکو په سترګو کې خاورې وشیندې او حقیقت ورنه پټ وساتي او مخالفې ډلې د خلکو په ذهنونو کې بدنامې وګرځوي، چې ګوندې دوی ژورنالیستان هم وژني!!!
هیڅ یوه ډله د ژورنالیساتو خلاف نه ده، ژورنالیزم د هرې ټولنې یو عمده ضرورت دی، خو که څوک د دغه فن د نوم نه غلطه استفاده کوي، او مسلمانانو ته په ضرر تمامیږي، دښمن او غلیم ته د مسلمان وژنې لپاره ممد ثابتیږي، وژل یې ان د اسلام د مبارک دین له احکامو سره سم اړین او واجب القتل دی او باید چې ووژل شي او مسلمانه ټولنه باید له دغه ناسور څخه وژغوري ځکه چې د دا ډول وګړو په اړه الله جل جلا له فرمايي:
وَفِيكُمْ سَمَّاعُونَ لَهُمْ وَاللَّهُ عَلِيمٌ بِالظَّالِمِينَ (47) التوبة.
ژباړه: او شته په تاسې کې جاسوسان د دوی د پاره یا اوریدونکي د خبرو د دوی په ضرر ستاسې او الله ښه عالم دی په نیتونو د ظالمانو.
یعنې اوس هم جاسوسان یا ځینې داسې ساده او احمقان په تاسې کې شته چې د هغوی خبرې اوري او لږ ډیر ترې متأثر کیږي ( ابن کثیر رحمة الله علیه اګر که دوی هغسې فتنه او فساد نشو اچولی چې د دغو بدانو له وجوده هیله (امید) کیدی شوه بلکې له تاسې سره د داسې جاسوسانو یو ځای تلل له یوه حیثه مفید دي، څو هغوی په خپلو سترګو د مسلمانانو ټینګ عزم، شجاعت میړانه زړورتوب او نور محامد وګوري او خپلو مشرانو او امیرانو ته یې خبر ورکړي څو د هغوی پر زړونو یې د مسلمانانو ویره او هیبت هم پیدا او ځای ونیسي. نو دغه ډول له چوکاټ نه وتلي ژورنالیستان ځکه وژل کیږي.
