خوږو ته خواږه او ترخو ته تراخه
ویسا:
روانه وضعه د پردۍ توطیې زیږنده ده
کابل ټکی کام:
نه صیبه! د خپل بام واورې باید د نورو پر بام وانه چوو، دا زمونږ خپله کمزوري ده، د بل کوم هیواد لپاره ولې پردۍ توطیی وضعه نه شي خراپولی؟
سرخط:
که طالبان هر څه وکړی پخوانی ځواک ته نشي رسیدلی، ځکه چې ترمنځ یې اختلافات ژور شوي دي.
کابل ټکی کام:
خو دومره ژور هم نه دي لکه د ډاکټر غنی او ډاکټر عبدالله تر مینځ!
ویسا:
په دې وروستیو کې یو ځل بیا هېواد پر ماتم کده بدل شو.
کابل ټکی کام:
دا ماتم کده خو د کمونستانو له کودتاه راهیسی ادامه لري.
د کانونو ناقانونه کيندنې د افغانستان تباهۍ ته لاره هواروي.
کابل ټکی کام:
دا کوم انصاف دی چې بهرنيان دې خپلسري کیندنو ته دوام ورکوي نو هیڅ خبره نشته خو که کوم افغان دا کار وکړي نو هیا هوی جوړیږي!!
ویسا:
له پلخمري نه کابل ته د ۵۰۰ کیلو ولټه برېښنا د لېږد تړون لاسلیک شو
کابل ټکی کام:
بس ملی حکومت د ځان غم وخوړ نور ملت دې در په در ګرځي.
جامعه باز:
له سلما وروسته حکومت یو بل ګټور ګام واخېست او هغه دا چې د کجکی بند د پراختیا تړون یې تېره ورځ له یوې ترکی کمپنۍ سره لاسلیک کړ.
کابل ټکی کام:
ګام چا اخیستی او نوم د چا اوچت اوچت کیږي.
ویسا: ولسمشر په لوی لاس د هلمند ولایت له اصلي وضعیت څخه ناخبره ساتل کېږي.
کابل ټکی کام:
چې داسې ونه کړي نو د خیالي سرتیرو معاشاتو ته خطره پیدا کیږي.
د تهران ورځپاڼه:
یاد ساتئ چې د امریکې د کانګرس د غړو په توګه تاسو یو نړیوال قدرت نه یئ.!.د ایران خارجه وزارت د امریکې نمایندګانو ته په خطاب کښې.
کابل ټکی کام:
نو بیا ولې د امریکا په مکمله مرسته په سوریه او عراق کې خپله جګړه پر مخ بیایئ؟؟؟
ویسا:
همدغه وحشتونه به نور هم زور واخلي!
کابل ټکی کام:
تر څو پورې چې واک د وحشي صفته انسانانو په لاس کې وي نو دا یوه طبعي خبره ده.
اصلاح ملی:
د ولسي جرګې د غړي شېرولي وردګ فاتحه په کابل کې واخیستل شوه
کابل ټکی کام:
ځکه چې په وردګو کې طالبان دي!!.
ویسا:
جعل، اختلاس و زورگویی امر معمول در وزارت صحت عامه است
کابل ټکی کام:
این معمول حاوی تمام کشور شده است نه تنها وزارت صحت عامه.
هیواد:
از نیروهای امنیتی در ولایت های فاریاب، جوزجان، تخار و کندز استفادۀ سیاسی میشود
کابل ټکی کام:
این خو کدام خبر تازه نیست آقا!
ویسا:
د کجکي برېښنا بند د پراختیا هوکړه له ترکي – امریکایي شرکت سره لاسلیک شوه
کابل ټکی کام:
ځه ښه شو که یو کار هندو وکړو دا بل خو به نیمه مسلمان (ترکی- امریکایی) وکړي.
هیواد:
در ۵ ماه گذشته بیش از ۶ هزار مهاجر افغان از پاکستان باز گشته اند
کابل ټکی کام:
اصلا هغوی خبر نه دي چې افغانستان د زورورو لپاره جنت او د بیچاره ګانو لپاره اوس هم دوزخ دی.
تهران ورځپاڼه:
داعش په عراق او سوریه کښې د مقاومت د جبهې تر دباو لاندې دی.
کابل ټکی کام:
د مقاومت د جبهې که د نړیوال ائتلاف؟ که نړیوال ائتلاف له جګړې نه لاس واخلي بیا به د مقاومت جبهه وګورې چې په کومه سوړه ننوځي.
ویسا:
له ايران سره د اوبو د وېش ژمنې د څه لپاره؟
کابل ټکی کام:
د ایراني خیرات د ترلاسه کولو لپاره.
اطلاعات:
عزت، قدرت، سوکالتیا، لوړتیا او روحی آرامښت په قرآن کریم باندې په عمل سره ترلاسه کیږی. خامنه ای.
کابل ټکی کام: خبره خو دی ښه ده خو مشکل په دې کې دی چې تاسې قرآن تحریفوئ؟
ویسا:
د پاكستاني واكمنو ناسم سياست تر ټولو دمخه ددوی پر زيان دى.
کابل ټکی کام:
نو بیا د هغوی پر زیان ولې خپه یاست؟
انیس:
د کجکی بند د دویم پړاو کار سره به د بریښنا له تولید پرته په دې بند کې د ځمکو د خړوبولو لپاره هم ډیرې اوبه زیرمه شی.
کابل ټکی کام:
خو که د ملي حکومت د اختلافاتو ښکار نشي.
ویسا:
ولسمشر يوازې له پوځي قرارګاه لیدنه کړې، قومي مشران په هليكوپټرو کې ورته راغلي وو.په ملي شورا کې د هلمند استازي.
کابل ټکی کام:
چې خلک اوس هم نه پوهیږي نو خدای دې یې پوه کړي.
کابل پوسټ:
په روژه کې ولې اوربند ونه شو؟
کابل ټکی کام:
ځکه چې طالب جنګیالي په روژه کې د جهاد کولو اجر لس چنده ګڼي.
ویسا:
پاکستان دې له ګاونډیانو سره د دوستۍ نسخه هم و ازمایي
کابل ټکی کام:
په کابل کې خو ځینې بسونه ګرځې چې پرې لیکل شوي دي ( پاک افغان دوستي دوام لري). نور نو څه وکړي!؟
ویسا:
د سلما بند؛ د غني وياړ كه د كرزي او داودخان!
کابل ټکی کام:
له هندو نه په سوال کولو کې به څه ویاړ وی؟ ویاړ هغه وي چې دوی چاته بند جوړ کړی وای.
