داعش سره په نښته کې د هسكې مېنې د امنيه قومندان په ګډون ۶ عسکر وژل شوي
کابل ټکی کام۱۳۹۵غبرګولی۲۲ زرغون خوږیاڼی
د ننګرهار ولایتي چارواکي وایي، د هسکې مینې د ولسوالۍ پر امنیه قوماندانۍ د داعش وسله والو د ډله ییز برید پرمهال د دغې ولسوالۍ امنیه قوماندان وژل شوی دی.
امنیتي چارواکي وایي، بیګا د شپې دوه بجې داعش وسله والو دهسکې مینې د ولسوالۍ پر امنیه قومندانۍ برید وکړ، چې سخته نښته رامنځته شوه، چارواکي زیاتوي چې په نښته کې د یادې ولسوالۍ امنیه قومندان شاه محمود په ګډون پنځه نور عسکر هم وژل شوي.
د ننګرهار د والي ویاند عطالله خوږیاڼي رسنیو ته وويل، د هسكې مېنې پر امنيه قومندانۍ بيګاني بريد كې ۱۳ داعش وسله وال وژل شوي او ۷ نور وسله وال يې ټپیان شوي دي.
خوږیاڼی وایي، په نښته کې د هسکې مېنې ولسوالۍ د امنیه قومندان شاه محمود په ګډون پنځه افغان سرتېرې هم وژل شوي او شپږ نور ټپیان شوي دي.
د والي ویاند زیاتوي چې سیمې ته نور مرستندویه ځوکونه رسیدلي.
داعش وسله والو تر اوسه په دې اړه رسنیو ته څه نه دي ویلي.
