کابل ټکی کام ۱۳۹۵ چنګاښ ۴ زرغون خوږیاڼی
د سره صلیب نړیواله کمیټه د تریتم شویو کسانو د موندولو لپاره یوه وېب پاڼه جوړه کړې ده، چې په دې پاڼه کې د ورک شوو کسانو نومونه ثبت کوي، چې تر دې دمه د ورک شوو کسانو ۱۸ کورنۍ موندل شوي دي،چې ۱۶ افغان کورنۍ دي.
د سره صلیب د موندلو د کمیټې مسوول وايي د هغو ۱۲۵۱ تنو نومونه او انځورونه یې په دې پاڼه کې ثبت کړي، چې په اروپا کې نا درکه شوي، له دې جملې ۷۲۲ تنه افغانان دي.
د نړیوال سره صلیب د موندنو د پروګرام کمیټي مسؤول وايي: له یاد ورک شوو کسانو څخه، چې نومونه یې له دوی سره ثبت دي ۵۸ سلنه یې افغانان جوړوي.
د سره صلیب د ملاتړې څانګې مرسیتالې سیلین ډوټرلون وویل:
” هر کال سلګونه کورنۍ، چې له خپلو مهاجرو کسانو سره اړیکه نه لري، موږ ته مراجعه کوي، چې خپلوان یې اروپا ته د تلو یا راستنیدو پر لاره له لاسه ورکړي، د سره صلیب نړیواله کمیټه او د سره صلیب ملي ټولنې هڅه کوي ترڅو کورنۍ سره یوځای کړي.”
د یوې سروې له مخې ویل کیږي، چې تیر کال کې تر بل هر وخت ډیر افغانان له هېواده په ناقانونه لارو اروپايي هېوادونو ته تللي، چې ډېرو یې پر لاره خپل ژوند له لاسه ورکړی.
