پېښور کې پر روژه لرونکو د الله رحم وشو، موسم باراني شو
کابل ټکی کام ۰۷چنګاښ/۱۳۹۵، هلال خاورې
له پېښور څخه یو شمېر افغانانو کابل ټکي کام ته پیغامونه او انځورونه لېږلي دي، او وايي، «دلته پېښور کې له سختو ګرمیو وروسته خوندور موسم جوړ شو.»
د دوی په پیغام کې راغلي دي، چې له یوې خوا په توند ګرم موسم کې روژه ده، او له بلې خوا د برېښنا نه شتون ژوند ورته تريخ کړى ده، د دوى په وينا چې اړ شول، ټول سره راټول شي، او په ګډه خپل الله ته لاسونه لپه کړي، ترڅو هوا ښه او روژه اسانه شي.
دوی وايي، چې د څښتن له لورې د دوی آه ته په کتو دا مهال په پېښور کې موسم خوندور شو، «او هر یو له خوښۍ څخه په جامو کې نه ځائیږي.».
د پاکستان د خیبر پښتونخوا ایالت پېښور ښار چې ډېر ګرم ښار دی، په جون، جولای او اګست میاشتو کې شديده ګرمي لري.
د یادولو ده، له پېښور څخه وروستي راپورونه ښيي، چې تېره اونۍ سخته ګرمي وه، او خلک یې په روانه روژه کې له ګڼو ستونزو سره مخ کړي وو.
