کابل ټکی کام ۰۷چنګاښ/۱۳۹۵، ارین خان
د افغانستان د کریکټ ملي لوبډله له سکاټلنډ او ایرلنډ سره د نړیوالو یوې ورځنیو سیالیو لپاره سکاټلنډ هېواد ته ولاړه.
افغان ملي لوبډله به له سکاټلنډ سره د جولای په څلورمه او شپږمه نېټه دوه نړیوالې ورځنۍ سیالۍ ترسره کړي.
دا لوبه د افغان لوبډلې د نوي هندي روزونکي مشر لال چند راجپورت په مشرۍ لومړنی سیالۍ ده.
د کریکټ د نړیوالې شورا د یوې ورځنیو لوبو په نړیوال جدول کې سکاټلنډ ۱۴ نمبر او افغانستان ۱۰ نمبر دی.
افغانستان له سکاټلنډ څخه وروسته ایرلنډ ته ځي، او له دغه هېواد سره به د پنځو نړیوالو سیالیو لړۍ ترسره کړي.
افغانستان به له ایرلنډ سره د جولای په ۱۰، ۱۲، ۱۴، ۱۷ او ۱۹ کې سیالۍ لري.
دا لومړی ځل دی، چې افغانستان او ایرلنډ د پنځو لوبو لړۍ ترسره کوي.
د دغو لوبو لپاره د افغان ملي لوبغاړو نومونه په لاندې ډول دي:
۱: اصغر ستانکزی
۲: محمد شهزاد
۳: نور علي
۴: جاوید احمدي
۵: رحمت شاه
۶: محمد نبي
۷: سمیع الله شینواری
۸: نجیب ځدراڼ
۹: راشد خان
۱۰: میرویس اشرف
۱۱: ګلبدین نایب
۱۲: دولت ځدراڼ
۱۳: حمید حسن
۱۴: شاپور ځدراڼ
۱۵: امیر حمزه
۱۶: یمن احمدزی
ناصر جمال، عمران جنت او افسر ځاځی له منتظره لوبغاړو څخه دي، چې د ضرورت په صورت کې به لوبه کوي.
