میرکل وايي، له طالبانو سره د خبرو دوام د افغانستان د کړکېچ یوازینۍ سیاسي لاره ده

کابل ټکی کام ۲۰چنګاښ/۱۳۹۵، سمسور ګیلاني
د جرمني لومړۍ وزیره انګیلا میرکل د ناټو د سرمشریزې غونډې له پای ته رسېدو وروسته وویل، چې له طالبانو سره د خبرو دوام په افغانستان کې د روان کړکېچ یوازینۍ سیاسي حل لاره ده.
نوموړې وویل، چې له طالبانو سره باید خبرې دوامداره وساتل شي، ځکه د دوی سره د سولې خبرې دوامداره ساتل یوه اړتیا ده.
د نوموړې له څرګندونو داسې بریښي، چې ښایي وارسا غونډه د افغانستان په اړه د جنګ جګړو د تداوم لپاره دایره شوي وي.
میرکل زیاته کړې ده، چې افغانستان له پوځي لارې او د جګړې په دوام سره نه شي کولی، چې سولې ته لاسرسۍ ومومي.
د یادولو ده، په وراسا غونډه کې له افغانستان سره په پوځي برخه کې ډېرې مرستې وشوې، چې له مخې یې ویلی شو، وارسا غونډه په افغانستان کې د جګړې د تداوم لپاره جوړه شوې وه.