ننګرهار کې ۱۴ داعشیان وژل شوي دي

کابل ټکی کام ۲۰چنګاښ/۱۳۹۵، احمدالله مهاجر
د ننګرهار ولایت امنیتي مسئولین وايي، چې په دغه ولایت کې د داعش نومي ډلې ۱۴ وسله وال وژل شوي دي.
د ننګرهار د پولیسو ویاند حضرت حسین مشرقيوال وايي، چې تېره ورځ د کوټ ولسوالۍ په لاغر جوی سیمه کې امنیتي ځواکونو د داعش ډلې پر پټنځایونو باندې بریدونه وکړل، چې په ترڅ کې یې د داعش ډلې ۷ وسله وال ووژل شول، او دوه نور یې ټپیان شول.
همدا راز تېره ورځ د اچین ولسوالۍ په مامند دره سیمه کې د بهرنیو ځواکونو بې پيلوټه الوتکو د اعش ډلې وسله وال په نښه کړل، چې ۵ داعشیان پکې ووژل شول.
مشرقیوال زیاتوي، چې په دغو حملو کې ملکي وګړو ته کوم تلفات نه دي اوښتي.
د یادولو ده، داعش ډله دا مهال د افغانستان د ننګرهار ولایت په محدودو سیمو کې قرار لري، په نورو ولایتونو کې هېڅ حضور او فعالیت نه لري.