کابل ټکی کام ۲۶چنګاښ/۱۳۹۵، سمسور ګیلاني
د امریکا د بهرنیو چارو وزارت له ترکیې څخه د هغې ادعا اسناد غوښتي دی، چې ګواکي فتح الله ګولن د تېرې شپې د کودتا مسئول دی.
په ترکیه کې د تېرې شپې د ناکامې کودتا څخه وروسته د دغه هېواد ولسمشر رجب طیب اردوغان او لومړي وزیر بن یلدیریم د دغې کودتا مسئول فتح الله ګولن ښودلی دی.
دا مهال د امریکا وزیر خارجه جان کیري له ترکیې څخه د خپلې هغې ادعا د ثبوت لپار اسناد غوښتي، چې ګواکي فتح الله ګولن د کودتا مسئول دی.
جان کیري ویلي دي، چې امریکا تراوسه پورې د فتح الله ګولن د خارجولو لپاره کوم سند نه دی موندلی.
فتح الله ګولن په یوه وینا پاڼه کې د ترکیې دغه ادعا رد کړې ده.
دغه کودتا د ولسمشر غني او امریکایي ولسمشر اوباما په ګډون، په نړیواله کچه وغندل شوه.
