د امریکا لویزیانا ایالت کې درې پولیس وژل شوي او یو شمېر نور ټپيان دي

کابل ټکی کام ۲۸چنګاښ/۱۳۹۵، سمسور ګیلاني
د امریکا د لویزیانا ایالت په روژ ښار کې پر پولیسو ډزې شوي دي، چې په پایله کې یې درې پولیس وژل شوي دي او یو شمېر نور ټپیان دي.
د روژ ښاروال د دغه برید په اړه رسنیو ته وویل:
«دغه برید د پولیسو پر یوې ادارې شوی دی، او کله چې پولیس د پېښې ځای ته ورغلل، له یوه بل وسله وال کمین سره مخ شول.».
په خپرو شویو انځورونو کې د پېښې ځای سره د پولیسو موټر او امبولانسونه لیدل کیږي.
دغه برید چې د پولیسو د یوه مرکز په یو نیم کیلو مترۍ کې شوی دی، ټولې ورغلې لارې تړل لارې شوي دي.
پولیس وایي، بریدګر هم د پولیسو له خوا ویشتل شوی دی، خو د مرګ او ژوند په اړه یې معلومات نه لري.
د پېښې لامل تراوسه پورې نه دی په ډاګه شوی.
د یادولو ده، شاوخوا یوه اونۍ وړاندې هم په دغه ښار او د متحده ایالتونو په ځینو نورو ښارونو کې د پولیسو له لورې د یوه تورپوستې د وژلو پر ضد مظاهرې وشوې، له مظاهره کوونکو څخه یوه وسله وال تن د تګزاس ایالت په دالاس ښار کې پر پولیسو ډزې وکړې، او پنځه پولیس یې ځای پر ځای قتل کړل.