سالنګ کې د امنیتي ځواکونو او طالبانو ترمنځ جګړه روانه ده
کابل ټکی کام ۲۹چنګاښ/۱۳۹۵، احمدالله مهاجر
د پروان ولایت سالنګ ولسوالۍ اړوند په قبر کلینر سیمه کې د طالبانو او امنیتي ځواکونو ترمنځ درنده جګړه روانه ده.
دغه جګړه چې نن سهار شاوخوا ۹ بجې پیل شوې ده، لا هم په شدت سره دوام لري، او د پروان-بغلان لویه لاره په ټولیزه توګه تړل شوې ده.
تراوسه پورې په دغه جګړه کې د پولیسو یو رېنجر موټر د راکېټ په مټ له منځه تللی دی، او پولیسو ته هم مرګ ژوبله اوښتې ده.
تراوسه پورې نور معلومات نه دی ترلاسه شوي.
