له دوه اونیو راپدېخوا په هلمند کې سخته جګړه روانه ده؛ خو د درې ورځو راهیسې لښکرګاه د طالبانو لخوا کلابنده ده، آن تردې چې د ښار شاوخوا اردو اوپولیس شاتګ ته اړشوي دي.
په شاتلونکي پولیس وایي، له امنیتي پوستو ېې په دې خاطر په شاتګ کړی دی، چې د ښار دفاعي کمربند قوي وساتي.
که څه هم د فاع وزارت ته په کابل کې د امریکايي ځواکونو قوماندان نیکلسن ډاډ ورکړی، چې د افغانستان هیڅ یو ښار به د طالبانو لاس ته ورنه شي؛ خو که د لښکرګاه ښار د طالبانو لاسته ورغی، د ټول هلمند سقوط شونی ښکاري.
د فاع وزارت پدې اعتراف کړی دی، چې په هلمند کې د امنیتي ځواکونو کمزورتیا دا څرګنده وي، چې لښکرګاه د لاسه ورکړي؛ خو بیا هم دفاع وزارت هڅه کوي، چې نوره قوه لښکرګاه ته ولیږي.
د هلمند او فراه د احمالي سقوط وروسته په غور ولایت کې هم جګړه تودیږي.
د فاع وزارت وایي، چې د دولت د وسله والو مخالفینو د احتمالي بریدونو له امله به په غورکې هم عملیات پیل کړي، چې په لویدیځ کې د ظفرقول اردو کوماندويي ځواکونه ېې عملیاتوته چمتوکړي دي.
د هلمند او فراه ولایتونو څخه وروسته د د فاع وزارت سره د غور ولایت اندیښنه په دې راپیدا شوه، چې په غورکې د وسله والو مخالفینو فعالیتونه ورځ په ورځ مخ په زیاتیدو دي، چې د دفاع د وزارت سره په غور کې د جګړې د تودیدو اندیښنه زیاته شوې ده؛ ځکه خو ېې دعملیاتو د پیل امر ورکړی دی.
تازه راپورونه وایي، چې د غور په پسابند ولسوالۍ کې طالبانو د دولتي پوځونو پر پوستو بریدونه پیل کړي دي، چې ترمنځ ېې سخته جګړه روانه ده.
د غور په ولایت کې د هلمند او فراه ولایتونو په څیرحالت روان دی، که دولت نورې تازه د مې قواوې غور ولایت ته ونه لیږي، غور هم د هلمند او فراه د برخلیک سره مخ کیدونکی دی.
د فاع وزارت اوس پدې کارکوي، چې د طالب وسله والو په مقابل کې دفاعي کمزورې نقشه باندی بیا له سره غور وکړي، ځکه د بغلان او ډنډغوري ترمنځ د څلورو میاشتو راپدیخوا لاره تړلې ده.
دامهال د ډنډغوري ولسوالۍ د طالبانو په ولکه کې ده، چې امکان لري دهنه غوري ولسوالي هم سقوط وکړي .
په یو مهال په هلمند، فراه، بغلان او غور ولایت کې به د جګړو دوام نورو ولایتونو ته د جګړو لمن پراخه کړي.
