(کابل ټکی کام ۱۳۹۵ زمری ۲۱) زرغون خوږیاڼی
د ننګرهار مرکز جلال اباد ښار کې د قالینو په مارکیټ کې اورلګیدلی، چې زیات مالي زیان یې اړولی دی.
چارواکو ویلي، چې اور د قالینو په مارکیټ کې د اسپنجونو په دریوو دکانونو کې د بريښنايي شارټۍ له امله لګیدلی دی.
د ننګرهار د والي ویاند عطاالله خوږیاڼي ویلي،چې په دکانونو کې د اور لګیدنې خبر سره سمدستي د اطفايې عمله سیمې ته استول شوې ده، چې د اور په وژلو بریالي شوي دي.
ویاند ویلي، چې تر اوسه د مالي زیان په اړه کره معلومات نشته.
د سیمې عیني شاهدانو ویلي، چې اطفائيه د اور لګیدنې سیمې ته په وخت ورسیده او زیاتو زیانونو مخه یې ونیوله.
