اوس کمربند هم مبايل ته چارج ورکوي

(کابل ټکی کام ۱۳۹۵زمری ۳۱) الماس خدرخېل

د مبايلونو استعمال اوس د انسان د ژوند پورې تړلې يوه برخه شمېرل کېږي، چې په نړۍ کې په زياته کچه وګړي د مبايل څخه استفاده کوي، خو په ځينو هېوادونو کې د بجلۍ د نشتوالي په صورت کې مبايلونه چارج له لاسه ورکړي او مبايل مو بندېږي.

يوې برطانوۍ کمپنۍ د Xoo Nifty په نامه داسې کمربند جوړ کړی، چې هر قسم آيفون، اندروريد سمارټ فون مبايلونه چارج کولای شي.

دا کمر بندونه چې بطرۍ يې د 2100 MAh ظرفيت لري، چې يو مبايل ستاسو په جيب کې وي په مکمله توګه چارج کولی شي.