د بي ۵۲ الوتکو په بمبار کې د الچین پل ونړول شو.
کابل ټکی کام (یکشنبه، زمری ۳۱مه، ۱۳۹۵ل) بصیراحمد پاڅون
تیره شپه وسلوالو طالبانو د کندز ښار ته نږدې د پل الچین په سیمه کې له دولتي ځواکونو ټولې پوستې او یوه ستر پوځي قرارګاه ونیوه او د کندز ښار د محاصرې کړۍ یې لا هم تنګه کړه.
طالبانو ویلي چې تیره شپه ۹ بجې د امریکایي بي ۵۲ ډوله الوتکو د الچین پل يه سیمه کې پر هغو مجاهدینو بمبار وکړ چې د دې پل سره نږدې ځای پرځای شوي و، طالبانو ویلي چې په دې بمبار کې د الچین پل نړیدلی او درې تنه وسلوال طالبان هم وژل شوي دي.
خبر زیاتوي چې افغاني او امریکایې ځواکونو د الچین پل په نړولو سره غوښتل چې د کندز ښار ته د طالبانو د زغروالو وسائطو د ننوتلو مخنیوی وکړي.
خو دولتي چارواکي د الچین د نړولو پړه پر طالبانو اچوي او طالبان دا ادعا په کلکه ردوي او وایي چې امریکایي او افغاني ځواکونو په لوی لاس په دې پل بمبار کړی دی.
