بیړنی خبر: بګرام ولسوالۍ کې په امریکايي ځواکونو سرتیری برید شوی
(کابل ټکی کام ۱۳۹۵ وږی ۱) زرغون خوږیاڼی
په بګرام ولسوالۍ کې د امریکايي ځواکونو په قطار سرتیری برید شوی، چې په کې ۱۲ امریکايي پوځيان او ۵ افغان پولیس وژل شوي دي.
طالبانو په یوه رالیږل شوي خبر کې ویلي ، چې ددوی یو سرتیري ملګري نن مازدیګر ناوخته شاخوا ۵ بجې د پروان ولایت په بګرام ولسوالۍ اړوند پل سیاد سیمه کې د امریکايي ځواکونو یو قطار په داسې مهال د فدايي برید لاندې ونیول شو، چې ټانکونه ولاړ او امریکايي عسکر ورڅځه لاندې راکوز شوي وو
ذبیح الله مجاهد ویلي، سرتیری برید ګر عبیده نومیدو، چې د ننګرهار ولایت اوسیدونکی و، نوموړي خپل له منفجره موادو څخه ډک موټر د امریکايي عسکرو د ولاړ قطار په مينځ کې منفجر کړ، چې له امله يې ۲ ټانکونه په ټولیز ډول وسوزیدل، ۱۲ تنه امریکايي عسکر ځای پرځای ووژل شول او ګڼ شمیر نورټپيان شول.
طالب ویاند وايي، چې په برید کې ۵ تنه هغه پولیس وژل شوي، چې د امریکايی قطار څخه یې ساتنه کوله.
تر اوسه حکومتي چارواکو په دې اړه څه نه دي ویلي.
