پروان: د حوزې قومندان وژل شوی
(کابل ټکی کام ۱۳۹۵وږی ۲) الماس خدرخېل
طالبانو په يو رالېږلې خبرپاڼه کې ويلي، چې د دوی ملګرو د پروان ولايت مرکز کې د حوزې يو قومندان چې د مقيم په نوم يادېدلو وژلی.
طالبانو ويلي، چې نوموړي قومندان د بګرام هوايې اډه کې د امريکايي روزونکو له خوا ځانګړې روزنه ترسره کړې وه، چې په دې وروستيو کې د ياد ولايت د حوزې د قومندان په حيث ټاکل شوی و.
په خبر کې راغلي، چې نوموړی قومندان د طالبانو په بريد کې ځای پر ځای وژل شوی.
د پروان ولايتي چارواکو تر دې دمه په دې اړه څه نه دي ويلي.
