(کابل ټکی کام ۱۳۹۵وږی ۸) الماس خدرخېل
د يمن امنيتي چارواکي وايي، چې د عدن ښار په پوځي تعليمي مرکز کې سرتيري بريد د لومړنيو راپورونو له مخې لږترلږه ۶۰ کسان وژلي او په لسګونه نور يې ټپيان کړي دي.
په ياد مرکز کې هغه حکومت پلوه وسلوال ځواکونه روزل کېدل، چې د حوثي ځواکونو پر خلاف يې جګړه پر مخ بېوله.
سيمييزو چارواکو ويلي دي، چې د چاودېدونکو توکو نه بار موټر په ياد مرکز کې چاودنه کړې.
عدن ښار په دې وروستيو کې ناامنه ولايت ياد شوی او ډيری برخه يې د عبدرب منصور هادي ځواکونو په واک کې ده.
ويل کېږي، چې سعودي عرب د ښاغلي هادي ملاتړ کوي او د حوثي ياغيانو پر خلاف د حوثيانو تر واک لاندې سيمو باندې په سعودي کې بمبارۍ کوي.
د يمن حکومت وايي، چې په سيمه کې ايران دولت حوثيانو ته نظامي توکي ورلېږی او د هغوی په ملاتړ يې تورنوي.
د حوثيانو او يمني ځواکونو تر منځ د سولې خبرې څو ورځې وړاندې بې نتيجې پاي ته ورسېدې.
بايد وويل شي، چې په ۲۰۱۵ کال لومړیو کې حوثیانو صنعاء ښار ونیو، چې د ياد هېواد ولسمشر عبد ربه منصور هادي له یمن نه ووت.
