(کابل ټکی کام ۱۳۹۵وږی ۸) الماس خدرخېل
د پاکستان پښتونخوا دير سيمه کې د جماعت اسلامي ګوند په غړو باندې وسلوال بريد شوی.
ويل کېږي، چې بريد د دير سيمې په رباط علاقه کې رامنځته شوی، بريد د جماعت اسلامي ګوند په غړي شاه نواز خان شوی، چې په پېښه کې د نوموړي ورور او دوه تنه پوليس ساتونکي يې وژل شوي دي.
پاکستاني رسنیو ويلي دي، چې د ياد ګوند غړی له بريد نه روغ رمټ وتلی او په کې وژل شوي کسان يې د تحقيقاتو په موخه د عدلي طب مرکز ته استولي دي.
په ياده پېښه کې، د پوليسو او بريد کوونکو تر منځ نښته شوې، خو بريد کونکي د بريد له ځايه تښتېدلي دي او د نيولو په موخه يې پوليسو پلټنه پیل کړې ده.
تر دې دمه د پېښې پړه کومې ډلې نه ده منلې
